logo_hazarashen     logo_vhs     logo_federal
Pages Navigation Menu

Մալենկով Գեորգի Մաքսիմիլիանի

Մալենկով Գեորգի Մաքսիմիլիանի (1901-1988), ԽՍՀՄ պետական և կուսակցական գործիչ, ԽՄԿԿ ԿԿ անդամ (1939-1957), ԽՄԿԿ ԿԿ Քաղբյուրոյի անդամ (1946-1957), ԽՄԿԿ ԿԿ քարտուղար (1939-1946, 1948-1953): Վերահսկել է պաշտպանության ոլորտի արդյունաբերությունը: Ստալինի մահից հետո, 1953 թ. մարտ-սեպտեմբերին ԽՍՀՄ փաստացի ղեկավարն էր: ԽՍՀՄ քաղաքական բռնաճնշումների ակտիվ մասնակիցներից էր: 1937 թ. Հայաստանի կուսակցական ակտիվի «մաքրողներից» մեկը` Միկոյանի և Բերիայի հետ միասին: ԽՍՀՄ քաղաքական բռնությունների գործողություններում առավել հայտնի է 1949 թ. այսպես կոչված «Լենինգրադյան գործով»: 1953 թ. մարտի 5-ին, Ստալինի մահից հետո, Մալենկովը դարձել է ԽՍՀՄ Մինիստրների խորհրդի նախագահը, նույն մարտ ամսին քննարկման է դրել «անհատի պաշտամունքի քաղաքականությունն ավարտելու և երկրի կոլեկտիվ ղեկավարման անցնելու» անհրաժեշտության հարցը: Սակայն երկու տարի անց Մալենկովին հանեցին ԽՍՀՄ Մինիստրների խորհրդի նախագահի պաշտոնից: 1957 թ. Մոլոտովի և Կագանովիչի հետ փորձեց առաջին քարտուղարի պաշտոնից հեռացնել Խրուշչեվին, սակայն դա նրանց չհաջողվեց և այս խումբն իրենց համակիրների հետ շուտով հրաժեշտ տվեց կառավարման համակարգին:

Share
  • RSS
  • Newsletter
  • Facebook
  • YouTube